Hezkuntza, Lanbide Heziketa eta Kirol Ministerioak eta Europar Batasunak – NextGenerationEU programaren bidez finantzatutako proiektua.

Zubieta Lanbide Eskolan berrikuntza eta teknologia hezitzailea beste maila batera eramaten ari gara.

2024ko uztailetik 2026ko martxora bitartean, SIMUJOB proiektua garatzen ari gara, ikasleen enplegagarritasuna hobetzea eta lan-mundurako beharrezkoak diren gaitasun giltzarriak indartzea helburu duen ekimen berritzailea.

Proiektuaren baitan, gure ikasleek aukera izan dute lan-elkarrizketak errealitate birtualean simulatuz prestatzeko, ChatGPT adimen artifizialeko tresna integratua duen simulagailu baten bidez. Esperientzia murgiltzaile honi esker, avatarrek egoera errealetan oinarritutako elkarrizketak eskaintzen dituzte, elkarrizketa naturalak erabiliz, eta ikasleek beren komunikazio-trebetasunak, proaktibitatea eta asertibitatea modu praktikoan lantzen dituzte.

2025ean zehar, proiektuaren hedapen eta barne-transferentziako ekintza egin zen klaustro osoaren aurrean, irakasle guztiei ekimenaren helburuak, garapena eta lortutako emaitzak partekatzeko. Saio honek interesa piztu du metodologia berritzaile hau beste ziklo eta ikaskuntza-ingurune batzuetara zabaltzeko.

Ekimen honek, halaber, irakasleen artean lankidetza eta esperientzien trukea sustatu du, eta ikasleen orientazio profesionala indartzeko tresna eraginkor gisa kokatu da. Helburua argia da: ikasleek beren profil profesionala hobeto ezagutzea eta lan-munduan sartzeko gaitasuna indartzea.

Teknologia berritzaile hauen erabilerak, zalantzarik gabe, lanbide heziketaren etorkizuneko erronkei erantzuteko bidea ematen du