Zubieta Lanbide Eskola-k energia berriztagarrien sektoreko Lanbide Heziketako Estatu mailako Bikaintasun Zentroen Sareko kide gisa, irakasleei zuzendutako prestakuntza-ikastaro espezializatu bat antolatu du, Hezkuntza eta Lanbide Heziketa Ministerioaren ekimenen barruan.

“LHren erronkak energia berriztagarrien sektorean” izeneko ikastaroaren bigarren edizioa energia eolikoan eta goi-tentsioko instalazioetan oinarrituta dago, eta FESTOren maketa eolikoa zein Usurbilgo LHIIko transformazio-zentroa erabiliko dira prestakuntza praktikorako.

• Noiz: Ikastaroa 2026ko martxoaren 23tik 27ra izango da (30 ordu).
• Nori zuzenduta: Energia eta Ura, Elektrizitatea eta Elektronika, Mekatronika eta antzeko azpisektoreetako Lanbide Heziketako irakasleei zuzenduta dago.
• Plaza kopurua: 20 plaza eskainiko dira guztira.
• Izen ematea: Urtarrilaren 26tik 30era. Izena emateko galdetegia eta ikastaroan onartzeko irizpideak.

Prestakuntzaren helburua da irakasleek baliabide eta instalazio errealak ezagutzea, ondoren ikasleekin ikasgelan erabiltzeko. Horretarako, besteak beste, goi-tentsioko lineen mantentzea, altuera-lanak eta instalazioen bisitak landuko dira.

Ekimen honek Usurbilgo LHIIren konpromisoa indartzen du energia berriztagarrien arloko kalitatezko prestakuntzarekin, berrikuntzarekin eta Lanbide Heziketako bikaintasunarekin.