Energia Berriztagarrien sektorean Lanbide Heziketako Bikaintasun Zentroen sareko partaide garen heinean, CIFP Usurbil LHIIn arlo horretako prestakuntza-eskaintza espezializatua garatzen jarraitzen dugu. 2025eko maiatzean, Espainiar Estatuko Lanbide Heziketako hainbat zentrotatik etorritako irakasleentzat ikastaro intentsibo bat antolatu dugu gure energia berriztagarriak zikloko irakasleen eskutik.

Ikastaro hau Hezkuntza eta Lanbide Heziketa Ministerioak sustatutako harrera eta garapen profesionaleko ekimenen barruan kokatu da, eta energia berriztagarrien sektorean irakasleak gaitzea izan du helburu, gero ezagutza hori beraien ikasgelara eramateko moduan.

Prestakuntzaren eduki nagusiak:

• FESTOren maketa eolikoaren erabilera didaktikoa eta aplikazioak Lanbide Heziketan.
• Goi-tentsioko transformazio-zentroetako mantentze-lanak.
• Goi-tentsioko lineetako lanak, baita altuerako segurtasun-praktikak ere.
• Gure instalazio espezializatuen bisita gidatuak.

Ikastaroak aukera paregabea eskaini die parte-hartzaileei teknologia berrien ezagutza praktikotik hurbil bizitzeko, eta gure eskolako esperientzia eta baliabideekin elikatu dira.

CIFP Usurbil LHIIn, etengabeko hobekuntza eta lankidetza dira gure lanaren oinarriak. Harro gaude Bikaintasun Zentro gisa dugun rola baliatu eta etorkizun iraunkorrago baterako prestakuntza eskaintzen jarraitzeaz.